Click the Bell icon to update notifications on your mobile
మురారి ముందు కృష్ణని అడ్డంగా బుక్ చేసిన ముకుందా..
రేవతి అత్తయ్య మీరు జరుగుతుంది అంటే సరిపోదు అందుకు తగ్గ ఆధారాలు చూపించండి అని ముకుంద నిలదీస్తుంది. పెద్దపల్లి ప్రభాకర్ చెట్లమ్మ చెల్లమ్మ అని చెప్పాడే కానీ, వాటితో పాటు మర్డర్ చేశాను అన్న విషయాన్ని దాచి పెట్టాడు. మురారి మీద మర్డర్ అటెండ్ చేసి జైలుకు వెళ్లాడు. ఇంత చెప్పినా కూడా మీరు కృష్ణ భజన చేయడం మీ వయసుకి కరెక్ట్ కాదు అత్తయ్య అని ముకుందా హితబోధ చేస్తుంది. రేవతి కోపంగా చాలా ఎక్కువ మాట్లాడుతున్నావ్ అని అరుస్తుంది...
నేను చాలా తక్కువ మాట్లాడుతున్నాను అత్తయ్య, అయినా నేను నిజాలే చెబుతున్నాను అత్తయ్య మీలా నేను బ్రమలో బ్రతకడం లేదు వాస్తవంలో బ్రతుకుతున్నాను అని ముకుందా సర్ది చెప్పుకుంటుంది. ఇకనైనా మీరు మీ మనసు మార్చుకొని మా అత్తయ్య చెప్పినట్లు నడుచుకోండి. మా అత్తయ్య ఏం పిచ్చిది కాదు అని అనగానే మా అక్క ఏం పిచ్చిది కాదు. నువ్వే తనని మాయ మాటలు చెప్పి మార్చేసావు అని రేవతి కోపంగా అంటుంది. నేను చెబితే మారిపోయి నమ్మేంత పిచ్చిది కాదు అని ఈ సిటీలో అందరికీ భవాని అత్తయ్య ఆటిట్యూడ్ గురించి తెలుసు అని ముకుందా కవర్ చేసుకుంటుంది. సో బి రెడీ పెళ్లి పనులు మొదలు పెట్టండి. నీకు సిగ్గు లేదా అని రేవతి అంటుంది.
మురారి వాళ్ల పెద్దమ్మ చెప్పిన మాట గురించి ఆలోచిస్తూ ఉంటాడు. రెండు రోజుల్లో ఏదో నిజం చెబుతానని అంది ఆ విషయం ఏంటి అని ఆలోచిస్తూ ఉంటాడు. అప్పుడే భవాని అక్కడికి వస్తుంది ఏం ఆలోచిస్తున్నావు నాన్న అని అంటే మీరు చెప్పిన మాట గురించి ఆలోచిస్తున్నాను అని మురారి అంటాడు. నువ్వు ఇలా ఆలోచిస్తావని తెలిసే రెండు రోజుల్లో చెప్పాలనుకున్న విషయాన్ని ఇప్పుడే చెబుతున్నాను అని చెబుతోంది. మనసులో మాత్రం దేవుడా ఈ అబద్దం ఆడుతున్నందుకు నన్ను క్షమించు అని భవాని మనసులో అనుకుంటుంది. మురారి నీకు గతం గురించి చెప్పకూడదని అనుకున్నాను మురారి కానీ, ఇప్పుడు చెప్పాల్సిన పరిస్థితి వచ్చింది. నా గతం గురించి తెలుసుకోవాలని నాకు చాలా ఎక్సైజ్ మెంట్ గా ఉంది పెద్దమ్మ అని మురారి అంటాడు. నువ్వు గతంలో ప్రేమలో ఉన్నావు మురారి. నేను ఎవరి ప్రేమలో ఉన్నాను, ఎవరిని ప్రేమించాను అని భవానిని ఉత్సాహంగా అడుగుతాడు మురారి. ముకుంద అని భవాని అనగానే మురారి గొంతు మూగబోతుంది. కానీ నాకెందుకో ఈ విషయం నమ్మబుద్ధి కావడం లేదు పెద్దమ్మ అని మురారి అంటాడు.
నువ్వు కృష్ణ గురించే ఆలోచిస్తున్నావు కదా నాన్న, ఆ స్పేస్ లో నుంచి నువ్వు బయటకు వస్తే ముకుంద గురించి కాదు మా గురించి కూడా నువ్వు ఆలోచించగలుగుతావు. ప్రస్తుతానికి ఆ కృష్ణ నిన్ను ఆలోచించుకోవడానికి స్పేస్ ఇవ్వడం లేదో, నువ్వే ఆలోచించడానికి ఇష్టపడటం లేదో మాకు అర్థం కావడం లేదు. కొన్ని కొన్ని నిజాలు కఠినంగా ఉండొచ్చు కానీ అవి వాస్తవాలు మురారి ముకుందా నువ్వు ప్రేమించుకున్నారు. కాబట్టి మీ ప్రేమను అంగీకరించడమే కాకుండా మీ ఇద్దరికీ పెళ్లి చేయాలని అనుకుంటున్నాను అని భవాని సూటిగా తను చెప్పాలనుకున్న విషయాన్ని చెబుతుంది
కృష్ణ వాళ్ళ పెళ్లి ఫోటో చూసి మీకు ఎప్పుడు గతం గుర్తుకు వస్తుందో అని ఆలోచిస్తూ ఉంటుంది అప్పుడే ముకుందా అక్కడికి వచ్చి కృష్ణ చేతిలో ఉన్న ఫోటోని లాక్కుంటుంది ఇక వెంటనే చిన్నమ్మ అని ప్రేమగా శకుంతలని పిలిచి దీపం వెలిగించాలి అగ్గిపెట్టి ఇవ్వమని అడుగుతుంది. కృష్ణం ముందే కృష్ణ పెళ్లి ఫోటోని అంటించడానికి చూస్తుంది కానీ కృష్ణ ఫేస్ లో ఎలాంటి రియాక్షన్ ఉండదు. ఇక మరోసారి ముకుందా ఆ ఫోటోని కాల్ చేస్తూ ఉండగా కృష్ణ ముకుంద చేతిలో నుంచి ఆ ఫోటో లాక్కొని ఇదే ఫోటోని నేను ఏసీబీ సార్ కి చూపిస్తాను. ఎవరు కాల్చారు అని అడిగితే నీ మీదే చెబుతాను అని కృష్ణ అంటుంది. అయినా ఇక్కడున్న ఫోటోని కలుస్తావు కానీ నా గుండెల్లో ఉన్న ముద్రని మాత్రం నువ్వు కాల్చలేవు అని కృష్ణ అంటుంది. ఇక వెంటనే ముకుందా తన మనసులో మురారి నేను ప్రేమించుకున్నప్పుడు దిగిన ఫోటోలు ఎలాగైనా మురారికు చూపించాలి అని అనుకుంటుంది.
కాసేపటి తర్వాత మురారి కృష్ణ దగ్గరకు వచ్చి మాట్లాడుతూ ఉంటాడు. మరోవైపు ముకుందా మురారి కి ఆ ఫోటోలు చూపించాలని మురారి కోసం ఇల్లంతా వెతుకుతుంది కానీ, మురారి ఎక్కడా కనిపించడు. అయితే కృష్ణ దగ్గరే ఉండి ఉంటాడు ఈ ఫోటోలు చూపించి ఈ ఫోటోలో ఉన్న మురారిని అసలు రూపం ఇదే అని కృష్ణ చేత చెప్పించాలి అని ముకుందా అనుకుంటుంది. ముకుంద మురారికే కొన్ని ఫోటోలు ఇస్తుంది ఆ ఫోటోలు చూసిన తర్వాత ఈ ఫోటోలో నీ పక్కన ఉన్న వ్యక్తి ఎవరు ముకుందా అని మురారి అడుగుతాడు అని అంటుంది. ముకుందా ఇక ఆ ఫోటోలు చూసిన తర్వాత ఎవరు కృష్ణ ఈ వ్యక్తి అని మురారి అడగగా మీరే సార్ అని కృష్ణ చెబుతుంది ఆ మాటకి మురారి గొంతు మూగపోతుంది. గతంలో ముకుందా తను ప్రేమించుకున్న కొన్ని సన్నివేశాలు మురారి కి గుర్తుకు వస్తాయి.
Comments
Post a Comment